18.11.2010 - Inagurimi i ASTRAIA's në SUOGJ “Koco Gliozheni"

Sot u bë inagurimi i sistemit të ASTRAIA's në SUOGJ "Koco Gliozheni", sistem i cili ka rreth 1 vit që operon në këtë maternitet. Në ceremoninë e inagurimit morën pjesë ministri i Shëndetësisë z. Petrit Vasili, sekretarja e përgjithshme e kësaj ministrie znj. Mirela Cano, drejtoresha e ISKSH-së znj. Elvana Hana si dhe shumë drejtues të lartë të institucioneve të ndryshme në fushën e mjekësisë. Të pranishëm ishin edhe stafi i mjekëve të këtij materniteti si dhe mediat elektronike dhe ato të shtypit. Ministri Vasili mbajti një konferencë për shtyp duke shpjeguar funksionin e ASTRAIA-s si dhe përfitimet dhe cilësinë e lartë të shërbimit që marrin pacientët duke qenë pjesë e këtij programi. Konferenca vijoi me një fjalim nga drejtoresha e këtij institucioni dr. Rubena Moisiu e cila shpjegoi më në detaje përparësitë e këtij programi dhe progresin që ka sjellë përdorimi i këtij programi në këtë maternitet dhe sidomos në përmirësimin e jetës së pacienteve dhe bebeve të tyre. Ministri Vasili shprehu vendosmërinë e tij për shtrirjen e ASTRAIA-s në të gjithë martenitetet e vendit duke qenë se qeveria Berisha në prioritetet e saj ka përmirësimin e sistemit shëndetësor por dhe informatizimin e tij gjithashtu. Për më tëpër mund të ndiqni disa prej videove të postuara në YOUTUBE në kanalin e ABP-së: klikoni ketu

• < Para
• Pas >